തദ്ദേശ സ്വയംഭരണ തെരഞ്ഞെടുപ്പിലെ തോല്വിയുടെ പശ്ചാത്തലത്തില് പാനൂരിലെ പാറാട്–കുന്നത്ത്പറമ്പ് മേഖലയില് നടന്ന വടിവാള് ആക്രമണത്തില് അമ്പതോളം സിപിഎം പ്രവര്ത്തകര്ക്കെതിരെ പൊലീസ് കേസ് രജിസ്റ്റര് ചെയ്തു.
ശരത്ത്, അശ്വന്ത്, അനുവിന്, ആഷിക്, സച്ചിന്, ജീവന് എന്നിവരാണ് അക്രമത്തിന് നേതൃത്വം നല്കിയതെന്ന് പൊലീസ് വ്യക്തമാക്കി.
പൊലീസ് വാഹനമടക്കം തകര്ത്തത് ഉള്പ്പെടെയുള്ള ഗുരുതര കുറ്റങ്ങളാണ് പ്രതികള്ക്കെതിരെ ചുമത്തിയിരിക്കുന്നത്.
യുഡിഎഫ് പ്രവര്ത്തകന്റെ വീട്ടിലേക്ക് മുഖംമൂടി ധരിച്ച് വടിവാളുകളുമായി എത്തിയ സംഘം വീടുമുറ്റത്ത് നിര്ത്തിയിട്ടിരുന്ന കാറും ബൈക്കും വെട്ടിപ്പൊളിച്ചുവെന്ന് പരാതിയില് പറയുന്നു.
പാര്ട്ടി കൊടി ഉപയോഗിച്ച് മുഖം മറച്ചാണ് അക്രമികള് എത്തിയതെന്നും വടിവാള് വീശി പ്രദേശവാസികള്ക്കു നേരെ പാഞ്ഞടുക്കി ഭീഷണിപ്പെടുത്തിയതായും പൊലീസ് വ്യക്തമാക്കി.
പ്രദേശത്ത് വലിയ പരിഭ്രാന്തി സൃഷ്ടിച്ച ഈ ആക്രമണത്തില് നിരവധി വീടുകള്ക്കും പൊതുസമ്പത്തിനും കേടുപാടുകള് സംഭവിച്ചു.
പാറാട് ടൗണില് തെരഞ്ഞെടുപ്പ് ഫല പ്രഖ്യാപനത്തിന് പിന്നാലെ നടന്ന ആഹ്ലാദ പ്രകടനത്തിനിടെയാണ് ആദ്യം യുഡിഎഫ്–എല്ഡിഎഫ് പ്രവര്ത്തകര് തമ്മില് സംഘര്ഷം ഉണ്ടായത്.
എല്ഡിഎഫ് ഭരിച്ചിരുന്ന കുന്നത്ത്പറമ്പ് പഞ്ചായത്തിലെ തോല്വിയാണ് സംഘര്ഷത്തിന് തുടക്കമിട്ടതെന്ന് പൊലീസ് പറയുന്നു.
സാഹചര്യം നിയന്ത്രിക്കാന് പൊലീസ് ലാത്തി വീശി ഇരു വിഭാഗങ്ങളെയും സ്ഥലത്തുനിന്ന് നീക്കിയിരുന്നു.
എന്നാല് പിന്നീട് സംഘടിച്ചെത്തിയ സിപിഎം പ്രവര്ത്തകര് സമീപ പ്രദേശങ്ങളിലെ വീടുകളില് കടന്നുകയറി വടിവാള് വീശിയും ആക്രമണം നടത്തിയും ഭീഷണിപ്പെടുത്തിയതായാണ് പരാതി.
സംഭവത്തെ തുടര്ന്ന് മേഖലയില് പൊലീസ് കാവല് ശക്തമാക്കിയിട്ടുണ്ട്. അക്രമത്തില് പങ്കെടുത്ത എല്ലാവരെയും കണ്ടെത്തി നിയമത്തിന് മുന്നില് കൊണ്ടുവരുമെന്ന് പൊലീസ് അറിയിച്ചു.
തെരഞ്ഞെടുപ്പ് ഫലത്തെ തുടര്ന്ന് സമാധാനാന്തരീക്ഷം തകര്ത്ത സംഭവത്തെ രാഷ്ട്രീയ പാര്ട്ടികള് അപലപിക്കുകയും കുറ്റക്കാര്ക്കെതിരെ കര്ശന നടപടി ആവശ്യപ്പെടുകയും ചെയ്തു.
News Desk
സൈബര് നിയമ പ്രകാരം അശ്ലീലവും നിയമ വിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കേണ്ടതാണ്. വായനക്കാരുടെ അഭിപ്രായങ്ങള് വായനക്കാരുടെത് മാത്രമാണ്.
Loading...please wait
.jfif)
.jfif)
.jfif)
.jfif)
.jfif)
.jfif)
