വളപട്ടണം : ഓപ്പറേഷൻ തൂഫാൻ പദ്ധതിയുടെ ഭാഗമായി നടത്തിയ റെയ്ഡിൽ വിൽപനക്കായി ഇരുചക്രവാഹനത്തിൽ കടത്തുകയായിരുന്ന 3500 പാക്കറ്റ് നിരോധിത പുകയില ഉൽപന്നങ്ങളുമായി രണ്ടു പേർ പിടിയിൽ. ഉത്തർപ്രദേശ് സ്വദേശികളായ മുന്ന രാജ്ബാർ, സന്ദീപ് പട്വ എന്നിവരെയാണ് എസ്. ഐ. പി പി മധുസൂദനൻ, സിവിൽ പോലീസ് ഓഫീസർ രാഹുൽ , സ്പെഷ്യൽ ബ്രാഞ്ച് പോലീസ് ഓഫീസർ ദിനേശ് ബാബു എന്നിവരടങ്ങിയ സംഘം പിടികൂടിയത്. ബുധനാഴ്ച്ച രാവിലെ ഏഴ് മണിയോടെ ചിറക്കൽ പട്ടേൽ റോഡിൽ വെച്ചാണ് ഇരുചക്രവാഹനത്തിൽ കടത്തിയ 3500 പാക്കറ്റ് നിരോധിത പുകയില ഉൽപന്നങ്ങൾ പിടികൂടിയത്.പുതിയ തെരു മാർക്കറ്റിലെ പലചരക്കു കടയിൽ സാധനങ്ങൾ ഇറക്കാൻ വന്ന ലോറിയിൽ നിന്നുമാണ് ഇവർക്ക് ചാക്കുകളിൽ നിറച്ച പുകയില ഉല്പന്നങ്ങൾ കൈമാറിയതായി സംശയിക്കുന്നുവെന്ന് പോലീസ് പറഞ്ഞു. കേസെടുത്ത പോലീസ് പുകയില ഉൽപന്നങ്ങളും വാഹനങ്ങളും കസ്റ്റഡിയിലെടുത്തു
News Desk
സൈബര് നിയമ പ്രകാരം അശ്ലീലവും നിയമ വിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കേണ്ടതാണ്. വായനക്കാരുടെ അഭിപ്രായങ്ങള് വായനക്കാരുടെത് മാത്രമാണ്.
Loading...please wait
