തിരുവനന്തപുരം: ഓണം പ്രമാണിച്ച് സംസ്ഥാനത്തെ സർക്കാർ ജീവനക്കാർക്കും അധ്യാപകർക്കും 4500 രൂപ ബോണസ് അനുവദിച്ച് സർക്കാർ. ബോണസിന് അർഹതയില്ലാത്ത ജീവനക്കാർക്ക് 3000 രൂപ പ്രത്യേക ഉത്സവബത്തയായി ലഭിക്കും. ഓണം മുന്നോടിയായി ജീവനക്കാർക്ക് ആശ്വാസം നൽകുന്നതാണ് സർക്കാർ തീരുമാനം
ഓണം ആഘോഷിക്കുന്നതിനുള്ള സാമ്പത്തിക സഹായമെന്ന നിലയിലാണ് ബോണസും ഉത്സവബത്തയും അനുവദിച്ചിരിക്കുന്നത്. വിവിധ വിഭാഗങ്ങളിലായി സർക്കാർ ജീവനക്കാർക്കും പെൻഷൻകാർക്കും ആനുകൂല്യങ്ങൾ ലഭിക്കും.
സർവീസ് പെൻഷൻകാർക്ക് 1250 രൂപയാണ് പ്രത്യേക ഉത്സവബത്തയായി അനുവദിച്ചിരിക്കുന്നത്. പങ്കാളിത്ത പെൻഷൻ പദ്ധതി പ്രകാരം വിരമിച്ച പെൻഷൻകാർക്കും പ്രത്യേക ഉത്സവബത്ത ലഭിക്കും. ഇതോടെ വിവിധ വിഭാഗങ്ങളിൽപ്പെട്ട പെൻഷൻകാർക്കും ഓണം ആനുകൂല്യത്തിന്റെ പ്രയോജനം ലഭിക്കും.
ജീവനക്കാർക്കുള്ള ബോണസിനും ഉത്സവബത്തയ്ക്കും പുറമേ പെൻഷൻകാർക്കുള്ള ആനുകൂല്യവും സർക്കാർ പ്രഖ്യാപിച്ചിട്ടുണ്ട്. ഓണക്കാലത്തെ അധിക സാമ്പത്തിക ചെലവുകൾ നേരിടാൻ ജീവനക്കാർക്കും പെൻഷൻകാർക്കും ഇത് സഹായകരമാകും.
ജീവനക്കാർക്കും പെൻഷൻകാർക്കുമുള്ള ബോണസിന്റെയും പ്രത്യേക ഉത്സവബത്തയുടെയും വിതരണം ഓഗസ്റ്റ് 17 മുതൽ ആരംഭിക്കും. ഓണം അടുത്തെത്തുന്ന സാഹചര്യത്തിൽ ആനുകൂല്യങ്ങൾ വേഗത്തിൽ വിതരണം ചെയ്യാനാണ് സർക്കാർ തീരുമാനം.
News Desk
സൈബര് നിയമ പ്രകാരം അശ്ലീലവും നിയമ വിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കേണ്ടതാണ്. വായനക്കാരുടെ അഭിപ്രായങ്ങള് വായനക്കാരുടെത് മാത്രമാണ്.
Loading...please wait
