.jfif)
ഇവികളിലെ ഹിഡൻ ഡോർ ഹാൻഡിലുകൾക്ക് ചൈനയിൽ നിരോധനം
ഇലക്ട്രിക് വാഹന പ്രേമികളെയും ആഗോള വാഹന വിപണിയെയും ഒരുപോലെ ഞെട്ടിച്ചുകൊണ്ട്, ഇവികളിലെ ‘ഹിഡൻ ഡോർ ഹാൻഡിലുകൾ’ നിരോധിക്കാൻ ചൈന തീരുമാനിച്ചു.
ടെസ്ല അടക്കമുള്ള പ്രമുഖ കമ്പനികൾ തങ്ങളുടെ വാഹനങ്ങൾക്ക് ഫ്യൂച്ചറിസ്റ്റിക് രൂപം നൽകാൻ ഉപയോഗിച്ചിരുന്ന ഈ ഡിസൈൻ രീതി നിർത്തലാക്കുന്ന ലോകത്തിലെ ആദ്യ രാജ്യമായി ഇതോടെ ചൈന മാറി.
ചൈനീസ് വ്യവസായ-വിവരസാങ്കേതികവിദ്യ മന്ത്രാലയം പുറപ്പെടുവിച്ച പുതിയ ഉത്തരവ് പ്രകാരം, ബൂട്ട് ഒഴികെയുള്ള എല്ലാ ഡോറുകളിലും അകത്തും പുറത്തും നിർബന്ധമായും ‘മെക്കാനിക്കൽ റിലീസ്’ സംവിധാനങ്ങൾ ഉണ്ടായിരിക്കണം.
ഡിജിറ്റൽ സെൻസറുകളെയോ ഇലക്ട്രോണിക് സ്വിച്ചുകളെയോ മാത്രം ആശ്രയിച്ച് ഡോറുകൾ പ്രവർത്തിപ്പിക്കുന്നത് ഇനി ചൈനയിൽ അനുവദിക്കില്ല.
2027 ജനുവരി ഒന്ന് മുതലാണ് ഈ പുതിയ സുരക്ഷാ നിയമം പ്രാബല്യത്തിൽ വരുന്നത്. ഈ തീയതിക്ക് ശേഷം പുറത്തിറങ്ങുന്ന എല്ലാ കാറുകളും പുതിയ ചട്ടങ്ങൾ പാലിച്ചിരിക്കണം.
നിലവിൽ വിപണിയിലിറങ്ങാൻ തയ്യാറെടുക്കുന്ന വാഹനങ്ങൾക്ക് ഡിസൈൻ മാറ്റുന്നതിനായി രണ്ട് വർഷത്തെ ഗ്രേസ് പിരീഡ് അനുവദിച്ചിട്ടുണ്ട്.
ടെസ്ല ജനകീയമാക്കിയ ഈ ഹിഡൻ ഹാൻഡിലുകൾ ഇന്ന് ഇലക്ട്രിക് വാഹനങ്ങളുടെ പ്രധാന അടയാളമായി മാറിയിരിക്കുകയാണ്.
എന്നാൽ സുരക്ഷാ കാരണങ്ങൾ മുൻനിർത്തി ഇത്തരം ഇലക്ട്രോണിക് ഡോർ ഹാൻഡിലുകൾക്ക് ചൈന പൂർണ്ണ നിരോധനം ഏർപ്പെടുത്തിയതോടെ ആഗോള വാഹന നിർമ്മാതാക്കൾ പ്രതിസന്ധിയിലായിരിക്കുകയാണ്.
വാഹനത്തിന്റെ ബോഡിയോട് ചേർന്ന് മറഞ്ഞിരിക്കുന്ന ഈ ഹാൻഡിലുകൾ അടിയന്തര സാഹചര്യങ്ങളിൽ വില്ലനാകുന്നു എന്നാണ് കണ്ടെത്തൽ.
News Desk
സൈബര് നിയമ പ്രകാരം അശ്ലീലവും നിയമ വിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കേണ്ടതാണ്. വായനക്കാരുടെ അഭിപ്രായങ്ങള് വായനക്കാരുടെത് മാത്രമാണ്.
Loading...please wait
.jfif)
.jfif)
